Trending Video: उत्तर प्रदेशातील कानपूर जिल्ह्यातील एक धक्कादायक प्रकार सध्या सोशल मीडियावर चांगलाच गाजत आहे. अत्यंत किरकोळ आणि विचित्र कारणावरून दोन तरुणींमध्ये झालेल्या हिंसक भांडणाचा व्हिडिओ मोठ्या प्रमाणात व्हायरल होत असून, तो पाहून अनेकजण स्तब्ध झाले आहेत.
व्हायरल व्हिडिओमध्ये पांढऱ्या रंगाचे कपडे घातलेली एक तरुणी प्रचंड आक्रमक अवस्थेत दिसत आहे. ती दुसऱ्या तरुणीचे केस पकडून तिला जमिनीवर पाडते आणि बेधडकपणे ठोसे व लाथा मारताना दिसते. मारहाण करत असताना ती ओरडून म्हणते,
“तू अभिषेकला सोडून गेली होतीस ना? आता तो माझा आहे. मग तू त्याला ‘बाबू’ का म्हणतेस? सांग, पुन्हा त्याला बाबू म्हणशील का?” Trending Video
सूनसान सड़क,कैसी लड़कियां..
यूपी के कानपुर देर रात जिनके घर की ये औलाद,इन्हें शर्म न आएं,मां-बाप चुल्लू भर पानी में डूब मरेंगे?बीच सड़क वीडियो बना मारपीट-गाली गलौज? pic.twitter.com/TT7y5DomnC— Tushar Rai (@tusharcrai) December 29, 2025
जमिनीवर पडलेली दुसरी तरुणी वेदनेने ओरडताना दिसते. ती स्वतःचा बचाव करण्याचा प्रयत्न करते, हात जोडून माफी मागते, मात्र आक्रमक तरुणी तिच्यावर हल्ला थांबवत नाही. शेवटी जखमी तरुणी रस्त्यावरून जाणाऱ्या एका वाहनाकडे मदतीसाठी हात करताना व्हिडिओत दिसते.
ही घटना कानपूरमधील यशोदा नगर बायपास परिसरात घडल्याचे सांगितले जात आहे. व्हिडिओच्या सुरुवातीला दोघींमध्ये तीव्र शब्दांत शिवीगाळ होताना दिसते आणि काही क्षणांतच हा वाद थेट हाणामारीत बदलतो.
या घटनेची दखल घेत कानपूर पोलिसांनी तपास सुरू केला आहे. सध्या कोणतीही अधिकृत तक्रार दाखल झालेली नसली, तरी व्हिडिओच्या आधारे दोन्ही तरुणींची ओळख पटवण्याचे प्रयत्न सुरू आहेत. सार्वजनिक ठिकाणी उपद्रव आणि मारामारी केल्याप्रकरणी संबंधित कलमांखाली गुन्हा दाखल होण्याची शक्यता पोलिसांनी व्यक्त केली आहे. Trending Video