Aadhaar Card Update: नवं आधार कार्ड : सरकारचा मोठा निर्णय लवकरच लागू होणार
बँकेत खाते उघडणे, मोबाईल सिम घेणे किंवा कोणतीही सरकारी योजना असो—आधार कार्ड आज प्रत्येक ठिकाणी अत्यावश्यक आहे. मात्र आधारचा गैरवापर टाळण्यासाठी UIDAI (आधार जारी करणारी अधिकृत संस्था) आता मोठा बदल करण्याच्या तयारीत आहे.
UIDAI लवकरच एक नवं आधार कार्ड आणणार आहे, ज्यावर तुमचं नाव, पत्ता, जन्मतारीख किंवा आधार नंबर लिहिलेला दिसणार नाही. कार्डावर फक्त फोटो आणि QR कोड असेल. या QR कोडमध्ये तुमची संपूर्ण माहिती एन्क्रिप्टेड स्वरूपात सुरक्षित ठेवली जाईल.
UIDAI काय म्हणतंय? Aadhaar Card Update
UIDAI चे CEO भुवनेश कुमार यांनी सांगितले की:
- हॉटेल, PG, इव्हेंट यांसारख्या ठिकाणी लोकांकडून आधार कार्डच्या फोटोकॉपी घेतल्या जातात.
- या फोटोकॉपीज जतन केल्या जात असल्याने डेटा चोरीचा धोका वाढतो.
- हे टाळण्यासाठी कार्डवरील माहिती कमी करणे आवश्यक आहे.
- फोटो आणि QR कोड पुरेसा आहे आणि यामुळे डेटा अधिक सुरक्षित राहील.
UIDAI डिसेंबरमध्ये यासंदर्भाचा नवीन नियम जारी करू शकते. Aadhaar Card Update
नवं आधार कार्ड कसं असेल?
- ✔ फक्त फोटो आणि QR कोड
- ✔ नाव, पत्ता, जन्मतारीख किंवा आधार नंबर दिसणार नाही
- ✔ QR कोड स्कॅन केल्याशिवाय कोणालाही माहिती दिसणार नाही
- ✔ माहिती एन्क्रिप्टेड स्वरूपात सुरक्षित
- ✔ डेटा चोरी आणि गैरवापराचा धोका जवळपास संपेल
नियम का बदलले जात आहेत?
कायद्यानुसार:
- आधार नंबर किंवा बायोमेट्रिक माहिती ऑफलाइन जमा करता येत नाही.
- पण अनेक ठिकाणी आधार कार्डची प्रत मागितली जाते आणि ती जतन केली जाते.
- यामुळे नागरिकांचा डेटा चुकीच्या हातात जाण्याची शक्यता वाढते.
या धोक्याला आळा घालण्यासाठी नवीन आधार कार्ड मॉडेल तयार केलं जात आहे.
आधार व्हेरिफिकेशनसाठी महत्त्वाचे नियम
- ✔ तुमची संमती नसताना आधार व्हेरिफाय करता येत नाही
- ✔ नियम मोडल्यास 1 कोटी रुपये दंड
- ✔ OTP, फिंगरप्रिंट किंवा आयरिसद्वारे तुमची संमती घेणे आवश्यक
- ✔ फक्त UIDAI-अधिकृत संस्था किंवा बँकांनाच व्हेरिफिकेशनची परवानगी
- ✔ तुम्ही तुमचा बायोमेट्रिक डेटा लॉक करू शकता